გასაოცარი სახლი ოკეანეზე ექსტრემის მოყვარულთათვის

ავსტრალია ნამდვილად გამოირჩევა თავისი უცნაური და ორიგინალი არქიტექტურული ნამუშევრებითა და ნაგებობებით. მათ შორის არის ეს უნიკალური სახლი, რომელიც მდებარეობს 40 მეტრის სიმაღლეზე და გადაჰყურებს პირდაპირ ოკეანეს. იმ შემთხვევაში, თუ დადგებით სახლისკენ მიმავალ ხიდზე, იქმნება წარმოდგენა, რომ იგი ჰაერშია დაკიდებული. სწორედ ამიტომ მას ხშირად "მოჩვენება სახლსაც" უწოდებენ.


"The Pole House" დააპროექტა და ააშენა ავსტრალიურმა არქიტექტორულმა კომპანიამ "F2 Architecture". როგორც ზემოთ ვახსენეთ სახლი მდებარეობს 40 მეტრის სიმაღლეზე, მაქსიმალურად ახლოს "Fairhaven"_ის სანაპიროსთან. მისი მფლობელები ამბობენ, რომ ამ სახლში განსაკუთრებული სწორედ ის ხედია, რომელიც მისგან იშლება. როდესაც იმყოფებით შიგნით, იქმნება წარმოდგენა, რომ სახლი ჰაერშია დაკიდებული. გასაოცარია...


"The Pole House" - ეს არ არის ჩვეულებრივი მუდმივი საცხოვრებელი სახლი, არამედ სასტუმრო, რომელიც ქირავდება რომანტიკული საღამოებისათვის. მისი ინტერიერი გადაწყვეტილია თანამედროვე სტილში. ოთახების გამყოფი კედლების მაგივრად დამონტაჟებულია შუშის გამოყოფები იატაკიდან ჭერამდე.



ამ სახლის დქირავება შეუძლია ნებისმიერ მსურველს. ერთი ღამის ფასია 1220 ავსტრალიური დოლარი.