რა უწყობს ხელს ათეროსკლეროზის განვითარებას და როგორ უნდა ვუმკურნალოთ ხალხური საშუალებებით.

დაავადებისათვის დამახასიათებელია მსხვილი და საშუალო კალიბრის არტერიების კედლებში ცხიმოვანი ბალიშების ჩალაგება, რაც იწვევს სისხლძარღვთა კედლების გასქელებას. ავადდებიან უმეტესად ასაკოვანი ადამიანები ( 60 წლის ზევით ). ბოლო დროს აღინიშნება ათეროსკლეროზის არსებობა უფრო ახალგაზრდა ასაკშიც, განსაკუთრებით მამაკაცებში ( 30 - 40 წელი ).

ათეროსკლეროზის განვითარებას ხელს უწყობს:

• ჰიპერლიპიდემია - ცხიმოვანი და ნახშირწყლოვანი ცვლის დარღვევა, როცა სისხლში აღინიშნება ქოლესტერინის მომატება ( 5,2 მოლ/ლ).
  
• სისხლში თრომბოციტების რაოდენობის აწევა, რის გამოც ხდება სისხლის შედედების უნარის მომატება.
  
• არტერიული ჰიპერტონია
  
• შაქრიანი - დიაბეტი
  
• გაცხიმოვნება
  
• მემკვიდრული განწყობა ათეროსკლეროზისადმი
  
• მოწევა
  
• ნაკლებად აქტიური ცხოვრების წესი
  
• ნერვული გადაძაბვა
  

განსაკუთრებული მნიშვნელობა აქვს რამდენიმე ფაქტორის ერთად მოქმედებას.

ათეროსკლეროზის ნიშნებია კანის სიმშრალე, თმის ცვენა, პერიფერიული არტერიების დეფორმაცია და გამკვრივება. დანარჩენი სიმპტომები დამოკიდებულია ათეროსკლეროზის სახეობაზე.
ათეროსკლეროზის მკურნალობას ექიმი ნიშნავს. სასურველია სპეციალური დიეტის დაცვა. პოზიტიურად მოქმედებს ოქროს ულვაშის პრეპარატების მიღება. მცენარეში შემავალი კვერცეტინი და კემპფეროლი ახდენს სისხლის მიმოქცევის ნორმალიზებას და ამაგრებს სისხლძარღვების კედლებს.
მკურნალობის მიზნით მივიღოთ ოქროს ულვაშის სპირტიანი ნაყენი მცენარეულ ზეთთან ერთად.

ნაყენი ასე მზადდება:
ინგრედიენტები:

• მცენარის 35 მუხლი
  
• სპირტი 1, 5 ლ
  

მომზადების და გამოყენების წესი:
მცენარის 35 მუხლი დავაქუცმაცოთ, მოვათავსოთ მუქ შუშის ჭურჭელში, დავასხათ 1,5 ლ სპირტი და დავაყენოთ 2 კვირა ბნელ ადგილას.
მიღებული ნაყენი მივიღოთ 2 ს/კ მცენარეულ ზეთთან ერთად, 3 - ჯერ დღეში, ჭამამდე 20 წთ - ით ადრე. მიღების წინ ნარევი კარგად შევანჯღრიოთ. მკურნალობის კურსი 10 დღეა. 5 დღიანი შესვენების შემდეგ კურსი გავიმეოროთ.