ნუ გადააგდებთ ძველ ქოლგას! აღფრთოვანდებით, როცა გაიგებთ, რისი გაკეთება შეიძლება მისგან...

ძველი ქოლგა შესანიშნავია ყვავილების საოცარი კომპოზიციის შესაქმნელად, რომელიც საგაზაფხულოდ განგაწყობთ და კარგ ხასიათზე დაგაყენებთ. ასეთი ნივთით მორთავთ სახლის ინტერიერს ან ზღურბლს, შესანიშნავი საჩუქარი გახდება ახლობლებისა და მეგობრებისთვის.

ჩვენმა რედაქციამ თავი მოუყარა ულამაზეს იდეებს და მოგითხრობთ, თუ როგორ დაამზადოთ საგაზაფხულო კომპოზიცია საკუთარი ხელით.

ყვავილების კომპოზიცია

ულამაზესი დეკორის ნაწილის მოსამზადებლად, დაგჭირდებათ ჯოხიანი ქოლგა, ატლასის ლენტი, ფლორისტული ღრუბელი და სეზონური ყვავილები.

გამოდგება ქრიზანთემები, ტიტები, ბუჩქის ვარდები, პიონები, იასამანი.

შეარჩიეთ ყვავილები გემოვნებით.

დაააყენეთ ქოლგა მოხერხებულად.

წინასწარ დასველებული ფლორისტული ღრუბელი მოათავსეთ ქოლგის სიღრმეში.

ოაზისის მისამაგრებლად გამოიყენეთ ატლასის ლენტი.

ყვავილების თაიგული დაამაგრეთ ფლორისტულ ღრუბელში.

დაამატეთ კომპოზიციას მწვანე ფოთლები.

მიაბით დამატებითი ლენტი ქოლგის სახელურზე, თუ გსურთ მიამაგროთ კომპოზიცია კარზე ან ფანჯარაზე.

საგაზაფხულო თაიგული მზადაა!

ასეთი კომპოზიცია შესანიშნავია დღესასწაულებისთვის, ან უბრალოდ, სახლის მოსართავად.