ახალგაზრდობისა და სილამაზის იაპონური რეცეპტი

როგორც ვიცით, ბრინჯი იაპონელი ქალბატონების სილამაზის რეცეპტების ერთ-ერთი მთავარი ინგრედიენტია. გთავაზობთ ბრინჯის ამ დანიშნულებით გამოყენების რამდენიმე მეთოდს:

• გააცხელეთ ქვაბით წყალი და ჩაყარეთ 2-3 სუფრის კოვზი ბრინჯი. ადუღეთ, სანამ ბრინჯი არ დარბილდება. გადმოდგით ქვაბი ცეცხლიდან და გადაწურეთ. შეინახეთ გადაწურული სითხე ცალკე ჭურჭელში.
  
• მოხარშულ ბრინჯს წყალი გადაავლეთ, დაუმატეთ ერთი სუფრის კოვზი თბილი რძე და ერთი სუფრის კოვზი თაფლი. ურიეთ ერთგვაროვანი მასის მიღებამდე.
  
• კარგად დაიბანეთ სახე. წაისვით ბრინჯის, რძისა და თაფლის ნაზავი და გაიჩერეთ ნახევარი საათით. ამის შემდეგ ნაზად ჩამოიბანეთ შენახული ბრინჯის ნახარშით.
  

ბრინჯს უამრავი დადებითი თვისება აქვს და ძალიან ეფექტურია კანისთვის. იგი მდიდარია ანტიოქსიდანტებით და ძლიერი დამატენიანებელია, ამცირებს მელანინის გამოყოფას და პიგმენტურ ლაქებს, იცავს კანს ულტრაიისფერი სხივებისგან. ბრინჯის ნიღაბი შეგიძლიათ 4 დღის განმავლობაში შეინახოთ მაცივარში. ჩაიტარეთ ეს პროცედურა დილა-საღამოს.

ასევე შეგიძლიათ, ბრინჯის ნახარშისგან ყინულის კუბიკები დაამზადოთ და მათი საშუალებით დაიმასაჟოთ სახე.