ბალახეული ჩაის რეცეპტი, რომელიც დალევისთანავე შველის გაცივებას, თავის ტკივილს და ხველას.

ადრე ხშირად ვცივდებოდი და შემაწუხებელი ხველა მეწყებოდა. ბევრი ცდისა და შეცდომებზე სწავლის მეთოდით თავად შევადგინე ისეთი ბალახეული ჩაის რეცეპტი, რომელიც დალევისთანავე შველის გაცივებას, თავის ტკივილს, ხველას.

დაგვჭირდება:

• 1 ს/კ გამომშრალი ჟოლო
  
• 2 ს/კ ჟოლო
  
• 2 ს/კ თავშავას ფოთლები
  
• 2 ს/კ ვირისტერფა
  

მომზადების და გმოყენების წესი :
1 ს/კ გამომშრალ ჟოლოს, 2 - 2 ს/კ ჟოლოს, თავშვას ფოთლებისა და ვირისტერფას 1 ს/კ ნარევს დაასხით 2 ჩ/ჭ მდუღარე წყალი, დადგით ძალიან დაბალ ცეცხლზე 10 წუთით. შემდეგ გადაწურეთ და სვით ცხელ - ცხელი, როგორც ჩაი, ნახევარი ჩ/ჭ 3 - 4 - ჯერ დღეში , ჭამის წინ.
კიდევ ერთი რჩევა: როცა გაცივებული ხართ, უმჯობესია მსუბუქად იკვებოთ, არ მიიღოთ ხორცეული. სვით ბევრი სითხე. ზოგი შიმშილობს კიდევაც და ეს სულაც არ არის ცუდი. პირიქით, ხელს უწყობს გამოჯანმრთელებას.

ექიმის კომენტარი:
რეცეპტში შემავალი კომპონენტები მართლაც ოპტიმალურად არის შერჩეული. ჟოლო ცნობილია, როგორც ოფლმდენი, ანთების საწინააღმდეგო და სიცხის დამწევი. იგი მდიდარია C, A და B ვიტამინებით, ორგანული მჟავებით.
თავშავას ნაყენი გამოიყენება გაცივების, ბრონქიტების, ყივანახველის, ფილტვის ტუბერკულოზის, გასტრიტების, ატონიის, მტკივნეული მენსტრუაციის, რაქიტის, ღვიძლისა და ნაღვლის ბუშტის პათოლოგიების დროს.
ვირისტერფას ნახარში ხელს უწყობს გაცივების დროს ნახველის ამოღებას სასუნთქი ორგანოებიდან. ამშვიდებს ხველას, განსაკუთრებით ღამით.