საჩუქრები, რომლებსაც უბედურება მოაქვს

ცოტა ვინმესთვის თუ არის ცნობილი, რომ ყველა საჩუქარს როდი მოაქვს დადებითი აურა და კეთილდღეობა მიმღებისათვის. ხალხური ნიშნების მიხედვით, არსებობს ნივთების გარკვეული სია, რომლებსაც საჩუქრის სახით უბედურება მოაქვს. FPAPARAZZI დაგიცავთ თქვენ და თქვენს ახლობლებს შემთხვევითი ან მიზანმიმართული ბოროტებისგან.

დანა
დანა, მაკრატელი, ან სხვა მჭრელი და ბასრი საგანი, ადამიანმა თავად უნდა შეიძინოს. მათში დიდი უარყოფითი ენერგია გროვდება. თუ მჩუქებელი არ იშლის, ეცადეთ, იყიდოთ მისგან მსგავსი ნივთი სიმბოლურ ფასად.

საათი
ეს ნივთი დროს ითვლის. თითქოსდა, არაფერი განსაკუთრებული, მაგრამ საათი ხანდახან ჩერდება. მსგავსი საჩუქარი ბედნიერი ცხოვრების დასასრულის სიმბოლოს მატარებელი რომ არ გახდეს, მიეცით ხურდა ფული მჩუქებელს.

საფულე
ცარიელი საფულის საჩუქრად მიღებისას, რისკავთ, გამოგეცალოთ ბარაქა. რაიმე თანხა, თუნდაც ერთთეთრიანი უნდა იდოს შიგნით.

ცხვირსახოცი
უამრავი ქვეყნის კულტურაში დაკრძალვაზე ცხვირსახოცის ჩუქების ტრადიცია არსებობს. ეს ნივთი მჭიდროდ უკავშირდება ცრემლებს.

მარგალიტი
ასეთ საჩუქარს უბედურების, დანაკარგისა და ავადმყოფობის მოტანა შეუძლია. უამრავ ქვეყანაში მარგალიტი ქვრივებისა და ობლების ცრემლების სიმბოლოა.

სარკე
სარკე ძალიან მისტიური ნივთია. მიიჩნევა, რომ მას სილამაზისა და ახალგაზრდობის წართმევა შეუძლია.

ხელთათმანები
ხელთათმანებთან უამრავი მაგიური რიტუალია დაკავშირებული, რომელიც ადამიანის მართვაზეა მიმართული. ამიტომაც, ასეთი ნივთები უნდა გაიცვალოს (როგორც იტყვიან, თვალი თვალის წილ).