ბანანისა და შოკოლადის ფაფუკი კექსი

fpaparazzi გთავაზობთ მარტივი დესერტის რეცეპტს, რომელსაც სულ რამდენიმე წუთში მოამზადებთ, როცა მოულოდნელად მეგობრები გესტუმრებიან.
საჭირო მასალა:

• 1 კვერცხი
  
• 50 მლ კეფირი
  
• 1/2 სოდა ძმრით
  
• 100 გ დაფქული შვრიის ფანტელი
  
• 1 ს/კ კაკაო
  
• ვანილინი
  
• 1 ბანანი
  

მომზადება:
1. მიქსერით ან ხელის ზამბარით ათქვიფეთ კვერცხი, კეფირი, სოდა ძმრით, დაფქული შვრიის ფანტელი, კაკაო, ვანილი - გააკეთეთ ფაფუკი ცომი. დაუმატეთ წვრილად დაჭრილი ბანანი და კოვზით აურიეთ.
2. ჩაასხით კექსის პატარა ფორმებში (აჯობებს სილიკონის) ცომი და შედეთ ღუმელში.
3. აცხვეთ 180 გრადუსზე 25-30 წუთი.
4. გააცივეთ და შემდეგ გადმოიღეთ კექსები ფორმებიდან.
გემრიელად მიირთვით