თქვენ ეს უბრალო სექსუალური ცეკვა გგონიათ? ძალიან ცდებით! ეს გაცილებით მეტია...

ძალიან ბევრი ადამიანი სექსუალურობაში რაღაც სამარცხვინოს ხედავს: მოკლე კაბა, მაღალი ქუსლები, ალისფერი პომადა, დეკოლტე... ყოველივე ამის მიმართ ადამიანები ცუდად არიან განწყობილნი, თუმცა სექსუალურობა და გამომწვევი ჩამულობა ერთმანეთთან არანაირ კავშირში არ არიან. "ჩვენ სექსუალურს გვხვდის ის რაღაც, რაც შიგნიდან მოდის"... სწორედ ამის დამტკიცებას ცდილობენ ეს ქალბატონები ამ ვიდეოთი და ჩვენ ვფიქრობთ, რომ მათ საკუთარი მისია არაჩვეულებრივად შეასრულეს.

16 განსხვავებული ცხოვრება, 16 განსხვავებული პროფესია, 16 განსხვავებული მიზეზი, თუ რატომ გადაწყვიტეს ამ ქალბატონებმა კლიპში მონაწილეობის მიღება, თუმცა მათ ყველას ერთი საერთო მიზანი აერთიანებთ. ეს საცეკვაო მოედანი მათ საკუთარი თავის დამარცხებასა და შეყვარებაში, საკუთარი სექსუალურობის წარმოჩინებაში დაეხმარა...

მასწავლებელი, მწერალი, ფსიქოლოგი, უმცროსი და, შვილი, მეგობარი, მსახიობი... გაინტერესებთ, თუ რამ განაპირობა მათი გაერთიანება? მაშინ ჩვენ გაგცემთ პასუხს ამ შეკითხვაზე... ისინი ერთად შეკრიბა მხოლოდ ერთმა მიზეზმა - ყველა მათგანს აქვს იმის ბედნიერება, რომ უწოდოს საკუთარ თავს ქალი და იამაყოს ამით. ეს საცეკვაო მოედანი დაეხმარა მათ საკუთარი შიშის დაძლევაში. მათ თვალებში ჩახედეს იმას, რისიც მთელი ცხოვრება ეშინოდათ, მათ თვალი გაუსწორეს რეალობას და დარწმუნდნენ საკუთარ სექსუალურობაში.

ქალბატონებო თქვენ ბუნების ულამაზესი ქმნილებები ხართ! ნუ დაიტანჯავთ თავს იმის გამო, რომ იდეალურად გამოყვანილი მუცელი, ან თეძოები არ გაქვთ! ყველა ქალბატონი ინდივიდუალურად სექსუალური და მშვენიერია!