„ვინაიდან შვილოსნობა ფიზიოლოგიურად არ შემიძლია, წავედი ინდოეთში, სადაც ჩემი გენეტიკური მასალების გაყინვა მოხდა“

გავრცელებული ინფორმაციით, კესარია აბრამიძე სუროგატი დედისგან შვილს ელოდება.

„როგორც ყველა ადამიანს, მეც მინდა მყავდეს შვილი. ვინაიდან შვილოსნობა ფიზიოლოგიურად არ შემიძლია, წავედი ინდოეთში, სადაც ჩემი გენეტიკური მასალების გაყინვა მოხდა. ჯერ ვფიქრობ კარიერაზე. როცა მზად ვიქნები დედობისთვის, როცა გავაცნობიერებ იმას, რომ თვითონ გავზარდო შვილი, ძიძას არ მივუგდო და თვეში ერთხელ არ ვნახო, ვიყოლიებ. პროცედურა დაწყებულია, მე გავყინე ჩემი გენეტიკური მასალა, მაგრამ განაყოფიერება არ მომხდარა, ბავშვი ჩასახული არ არის, თუმცა ამისთვის ყველაფერი მზად არის. რომ ამბობენ კესარიას შვილი უკვე ყავსო, სისულელეა, ჭორია, მეტი საქმე არ აქვს ამ ხალხს. ასე რომ იყოს რატომ დავმალავდი?!“, - აცხადებს კესარია.