''შავი ნიღაბი'', რომელმაც ინტერნეტი დაიპყრო. სახის ყველაზე ეფექტური ნიღაბი, რომელიც თქვენს კანს სრულყოფილს გახდის

სულ რამდენიმე დღის წინ ინტერნეტ სივრცე დაიპყრო ახალმა პროფესიონალურმა საშუალებამ სახელდოწებით ''Black Mask'' (შავი ნიღაბი), რომელიც ხანმოკლე დროში თქვენს კანს სრულყოფილს გახდის. ამ საშუალების შემმუშავებლები ირწმუნებიან, რომ ის მინიმალურ დროში მოგვაშორებს გამონაყარს, აკნეს და შავ წერტილებს სახის კანიდან.

სწორედ ამიტომ, დღეს ''Fpaparazzi''-ის რედაქცია გთავაზობთ სახის უნიკალური ნიღბის დამზადების რეცეპტს, რომლის ეფექტურობაც პირადად ჩემში გოაცებას იწვევს. ადამიანების თქმით, რომლებმაც ეს საშუალება საკუთარ თავზე გამოცადეს, ეს ნიღაბი ძალზედ ეფექტურია კანის პრობლემების გადასაჭრელად. ამ საშუალების მთავარ კომპონენტს ნახშირი წარმოადგენს, რომელიც არა მხოლოდ ასუფთავებს ფორებს, არამედ წმენდს კანის ზედაპირს მავნე ნივთიერებებისგან.

თქვენ დაგჭირდებათ:

• 2 აბი ნახშირი (შეიძინეთ აფთიაქში);
  
• 1 ს.კ კოსმეტიკური შავი თიხა;
  
• გადადუღებული წყალი;
  

მომზადება:

1. დააფხვიერეთ ნახშირის 2 აბი და შეურიეთ ის მოცემული რაოდენობით შავ თიხასთან.
   
2. მიღებულ ნარევში ჩაამატეთ იმ რაოდენობით წყალი, რომ მიიღოთ ფაფისებრი მასა, რომელსაც არაჟნის კონსისტენცია აქვს.
   

მიღებული საშუალება წაისვით სუფთა სახეზე. მოერიდეთ თვალების გარშემო არსებულ კანს. გაიჩერეთ ეს ნიღაბი 10-15 წუთით, სანამ ის ბოლომდე არ გაშრება და შემდეგ ჩამოიბანეთ წყლით ან გვირილის ნაყენით. გაიმეორეთ ეს პროცედურა კვირაში ერთხელ.