დაუნის სინდრომით შეპყრობილი 2 წლის ულამაზესი გოგონა ორ სამოდელო სააგენტოსთან კონტრაქტს აფორმებს

დაუნის სინდრომით შეპყრობილი 2 წლის ულამაზესი გოგონა ორ სამოდელო სააგენტოსთან კონტრაქტს აფორმებს
2 წლის კონი-როუზ სიბორნი დიდი ბრიტანეთიდან ნამდვილი ლამაზმანია, მიუხედავად იმისა, რომ დაუნის სინდრომით დაიბადა. პატარას დაბადებიდანვე უამრავი ადამიანი აღნიშნავდა, რომ კონი ულამაზესი ღიმილით გამოირჩეოდა. მისი დედის, ჯულის დაქალების წყალობით ეს ოჯახი სამოდელო სააგენტოს დაუკავშირდა და დღესდღეობით კონი ძალზედ პოპულარული ბავშვი მოდელია.

პატარა მართლაც ულამაზესი ღიმილითაა დაჯილდოებული, რის გამოც იგი უამრავი ადამიანისგან კომპლიმენტებს იღებდა.

დაუნის სინდრომით შეპყრობილი 2 წლის ულამაზესი გოგონა ორ სამოდელო სააგენტოსთან კონტრაქტს აფორმებს

''კონის სურათი გავუგზავნე ერთ-ერთ სამოდელო სააგენტოს ელექტრონული ფოსტის მეშვეობით. უბრალოდ მაინტერესებდა მათი აზრი ამ საკითხთან დაკავშირებით" - ამბობს ჯული.



''ჩვენ დაუყონებლივ მივიღეთ პასუხი, რომ სამოდელო სააგენტო დაინტერესებული იყო ჩვენი შვილით''.



''ოფისში მისვლისთანავე ვთქვი, რომ ბავშვი დაუნის სინდრომით იყო შეპყრობილი, თუმცა ამ ფაქტზე არავის არანაირი ემოცია არ გამოუხატავს''.



''პატარა კონის ძალიან უყვარს ფოტოსესიებში მონაწილეობის მიღება''.



''მე თავად ძალიან მიყვარს ფოტოების გადაღება, რის გამოც კონი კამერას უკვე მიჩვეულია''.



პატარა სულ რაღაც 2 წლისაა და მას უკვე კონტრაქტი აქვს ორ სამოდელო სააგენტოსთან.



''თუ კონი ყოველივე ამის შეწყვეტას მოითხოვს და არ მოისურვებს ფოტოსესიებში მონაწილეობის მიღებას, ჩვენ მაშინვე წერტილს დავუსვამთ მის სამოდელო კარიერას, რადგან აუცილებელია, რომ თავად პატარამ მიიღოს სიამოვნება ამ პროცესისგან''.



''ფეხმძიმობის დროს ექიმებმა მითხრეს, რომ ჩემი პატარა დიდი ალბათობით დაუნის სინდრომით დაიბადებოდა და მირჩიეს სპეციალური დიაგნოსტიკის ჩატარება, რაზეც მე უარი განვაცხადე, რადგან სულ ერთი იყო''...



''დაუნის სინდრომი არანაირ პრობლემას და დაბრკოლებას არ წარმოადგენს. კონი ერთი ჩვეულებრივი ბავშვია, რომელსაც სითბო და მზრუნველობა ესაჭიროება''.