ღორის ხორცი ჩინურად: პიკანტური და გემრიელი კერძი

ხორცისა და ტკბილ-მჟავე ციტრუსების შეხამება - ტრადიციულია აზიური სამზარეულოსთვის. Fpaparazzi-ს რედაქცია გირჩევთ, გაანებივროთ გემოს რეცეპტორები და მოამზადოთ საუცხოო ჩინური კერძი ღორის ხორცისგან.


ინგრედიენტები:

• 2 კგ ღორის ხორცი
  
• 3 ფორთოხალი
  
• 2 ჩ.კ. როზმარინი
  
• 2-3 ს.კ. მზესუმზირის ზეთი
  
• 50 გრ ნუში
  
• მარილი, პილპილი - გემოვნებით
  
• 200 გრ არაჟანი
  
• 2 ხახვი
  
• 2 ს.კ. ფქვილი
  
• 4 კბილი ნიორი
  

მომზადება:

1. გარეცხეთ და გაამშრალეთ ხორცი. შეურიეთ დაფქული როზმარინი, მარილი, პილპილი, დაჭერით ნიორი, წაუსვით მასა ხორცს.
   
2. შეახვიეთ ხორცი ზეთწასმულ ფოლგაში, შედგით 180 გრადუსზე გახურებულ ღუმელში 30 წუთით.
   
3. გათალეთ და დაჭერით რგოლებად ფორთოხალი. გამოიღეთ ხორცი ღუმელიდან, გაშალეთ ფოლგა, დაადეთ ზემოდან 1 ფორთოხალი და შედგით ღუმელში 15 წუთით.
   
4. ამ დროს მოამზადეთ ხახვის სოუსი. გახურებულ ტაფაში ჩაასხით არაჟანი, დაუმატეთ დაჭრილი ხახვი, მოთუშეთ, დაამატეთ ფქვილი და კარგად მოურიეთ.
   
5. დაჭერით ხორცი ნაჭრებად, მორთეთ ახალდაჭრილი ფორთოხლით და ნუშით. მიართვით ხახვის სოუსით.