თევზის ფილე ნაღებისა და მდოგვის სოუსში: პიკანტური დანამატი ნებისმიერი გარნირისთვის

ხარისხიანი თევზი, ყველა წესის დაცვით მომზადებული - უკვე თავისთავად გემრიელია. და თუკი მას შესაბამის სოუსს შეუხამებთ, გამოვა კავშირი, რომელიც ნებისმიერ გურმანს მოეწონება. ნაღებისა და მდოგვის ნაზავი - იდეალური პარტიაა თითქმის ყველა სახეობის თევზისთვის.

ინგრედიენტები:

• 500 გრ თევზი
  
• 50 გრ პური
  
• 1 ხახვი
  
• 1 კონა ოხრახუში
  
• 0,5 კონა რუკოლა
  
• 4 ს.კ. არაჟანი
  
• 2 ს.კ. მდოგვი
  
• 200 მლ ნაღები
  
• 125 მლ ხორცის ბულიონი
  
• 2 ჩ.კ. სახამებელი
  
• 100 გრ სალათის ფურცელი
  
• მარილი, პილპილი გემოვნებით
  

მომზადება:

1. მოაჭერით პურის ნაჭერს ყუა, გული კი დააბლენდერეთ. დაჭერით წვრილად ხახვი.
   
2. გარეცხეთ სალათისა და რუკოლას ფურცლები, ოხრახუში და დაჭერით. შეურიეთ მწვანილი პურთან, ხახვთან და არაჟანთან.
   
3. ცალკე ჭურჭელში შეურიეთ ნაღები, მდოგვი, ბულიონი და სახამებელი, მოაყარეთ მარილი, პილპილი. მზა სოუსი დაასხით საცხობ ფორმაში, მასზევე დააწყვეთ მსხვილად დაჭრილი თევზის ფილე, ზემოდან კი მოათავსეთ არაჟნისა და ხახვის ნაზავი მწვანილით.
   
4. შედგით 200 გრადუსამდე გახურებულ ღუმელში დაგამოაცხვეთ დაახლოებით 30 წუთის განმავლობაში.
   

გემრიელად მიირთვით!