ბეგონიის გახარების მეთოდები

ეს ოთახის მცენარე შესანიშნავად გრძნობს თავს ქოთნებში, ფანჯრის რაფაზე, რომელიც სამხრეთ-დასავლეთით ან სამხრეთ-აღმოსავლეთით გადის. შინაური ბეგონიების გახარება უმჯობესია ოთახში, რომელიც კარგად არის განათებული და დაცულია მზის პირდაპირი სხივებისგან. ღია მზის ქვეშ ცოტა ხნით დადგმაც კი იწვევს ფოთლების ძლიერ დამწვრობას. გაზაფხულზე და ზაფხულში მისთვის ოპტიმალური ტემპერატურა +18-20 გრადუსია, ზამთარში არანაკლებ 18 გრადუსისა.

ბეგონიას არ უყვარს ზედმეტად ნესტიანი ნიადაგი, ამიტომ უნდა მორწყათ, როცა მიწის ზედა 1-2 სმ ფენა გახმება. ასევე, ნიადაგის ზედმეტი გაშრობაც საშიშია მსითვის, ამიტომ, მორწყვისას ზომიერება უნდა დაიცვათ. გამოიყენეთ თბილი, დაყენებული და რბილი წყალი.

ბეგონიების ყველა სახეობიდან - ბუჩქოვანი ყველაზე დიდი მრავალფეროვნებით გამოირჩევა, გარდა ამისა, ამ ჯგუფის მოვლა გაცილებით ადვილია. ბუჩქოვანი ბეგონიები შესანიშნავად ითავსებს ლამაზ ფოთლებსა და ლამაზ ყვავილებს.

ისინი ხარობენ სხვადასხვა ტიპის ქოთნებში, იქნება ეს მუდმივ ადგილას დადგმული სტაციონარული), თუ საკიდი კაშპო და კალათა. ზაფხულში, ასევე ხარობს ღია გრუნტშიც.

ბუჩქოვანი ბეგონია დაკალმებით ან თესლებით მრავლდება. კალმები ადვილად იდევს ფესვებს წყალში, ქვიშაში ან ნიადაგში. თესლევს თებერვვალ-მარტში თესავენ. კალმები და თესლები მალე ადაპტირდებიან და მალევე იწყებენ ყვავილობას.