ეს წვენები აუცილებელზე აუცილებელია თქვენი ორგანიზმისთვის!

ეს წვენები  აუცილებელზე აუცილებელია თქვენი ორგანიზმისთვის!
შეიძლება ადამიანმა დღეში 4 - 5 - ჯერ მიირთვას საკვები, მაგრამ მისი ორგანიზმი მაინც იშიმშილებს, რადგან საკვებში არ არის საჭირო ცოცხალი ელემენტები. ხილის წვენები ( წვენი მხოლოდ მწიფე ნაყოფიდან უნდა გამოწუროთ ), პირველ რიგში, ორგნაზმს წმენდენ. ბოსტნეულის წვენები აღადგენენ მას. ისინი შეიცავენ ორგანიზმისთვის აუცილებელ ამინომჟავებს, მინერალურ მარილებს, ენზიმებს და ვიტამინებს. აუცილებელი პირობა: ხილი და ბოსტნეული მხოლოდ უმი სახით უნდა მიიღოთ. უნდა გახსოვდეთ ასევე, რომ ყველაზე სასარგებლო ნივთიერებები უჯრედისში ღრმად არის განლაგებული, ამიტომ წვენის მომზადებისას ბოსტნეული და ხილი კარგად უნდა დასრისოთ. წვენები ნებისმიერი საკვების მნიშვნელოვანი დამატებაა. ისინი განსაკუთრებით აუცილებელია შერეული საკვების მიღებისას, რადგან ცოცხალი ელემენტების და ვიტამინების მცირე რაოდენობას შეიცავს.

კარტოფილის წვენი - განსაკუთრებით სასარგებლოა სტაფილოს წვენთან ერთად საჭმლის მონელების დარღვევის და ნერვულ დაავადებების დროს.

სტაფილოს წვენი - A ვიტამინის ყველაზე მდიდარი წყაროა, ასევე შეიცავს კალიუმს, ნატრიუმს, კალციუმს, მაგნიუმს, რკინას, ვიტამინებს. დღეში შეგიძლიათ 0,5 ლ უმი სტაფილოს წვენის დალევა.

ჭარხლის წვენი - ყველაზე კარგად აუმჯობესებს სისხლის შემცველობას. პირველ ხანებში სტაფილოს წვენთან ერთად უნდა დალიოთ.

კომბოსტოს წვენი - ამცირებს სხეულის წონას. თუ ადამიანს კანზე გამონაყარი აქვს, კომბოსტოს წვენის მიღებისას გამონაყარი შემცირდება.

ოხრახუშის წვენი - ოხრახუშის ახალგამოწურული წვენი დადებითად მოქმედებს თირკმელზედა ქერქის ჯირკვალზე, ამაგრებს სისხლძარღვებს, განსაკუთრებით კაპილარებს და არტერიებს. ოხრახუშის წვენი ხელს უწყობს თირკმელებში ქვების დაშლას. ოხრახუშის წვენი დღეში არაუმეტეს 30 - 50 გრ უნდა დალიოთ. უკეთესია, თუ სტაფილოს ან სხვა რომელიმე წვენს შეურევთ.

ნიახურის წვენი - შეიცავს კალიუმის და ნატრიუმის მარილების დიდ რაოდენობას. მის ფოთლებში მეტი მარილებია, ვიდრე ძირებში, ნატრიუმი თამაშობს მნიშვნელოვან როლს ორგანიზმში: ის ათხიერებს სისხლს და ლიმფას.

ნივრის წვენი - აწესრიგებს ასაკით გამოწვეულ მაღალ არტერიულ წნევას. ასტიმულირებს გულის მუშაობას და სისხლმომარაგებას ათეროსკლეროზის დროს. ნივრის ეთერზეთები იმდენად ძლიერია, რომ ასუფთავებენ ფილტვებს და ბრონქებს.
სტატიის ავტორი: თ. არევაძე
სტატიის წყარო:ხალხური და საოჯახო მედიცინა