ტრადიციული ინგლისური ალუბლის ღვეზელი

ალუბლის სეზონის მოახლოებასთან ერთად, გადავწყვიტეთ, მოგამარაგოთ გემრიელი რეცეპტებით.

მომზადების დრო: 2 სთ 30 წთ
ულუფების რაოდენობა: 8
მომზადების სირთულე: საშუალო
კალორიების რაოდენობა: 565 კალ

საჭირო მასალა:

წასასმელად:

• 2 ს/კ რძე
  
• შაქარი 2 ს/კ
  
• კარაქი 2 ს/კ
  

გულსართი:

• წმინდა შაქარი 2 ჭიქა
  
• ალუბალი 1 კგ
  
• 3 ს/კ სახამებელი
  

ცომი:

• მარილი 0,5 ჩ/კ
  
• ცოტაოდენი ზეთი ფირფიტაზე წასასმელად
  
• 2,5 ჭიქა ფქვილი
  
• კარაქი 150 გ
  
• ყინულივით ცივი წყალი 5-7 ს/კ
  

მომზადების წესი:

1. ფქვილი და მარილი გაცერით. დაუმატეთ ცივი და პატარა ნაჭრებად დაჭრილი კარაქი. აკეპეთ ხელით მსხვილ, ფხვიერ მასად.
   
   
2. ზილეთ ხელით და დაუმატეთ სათითაო კოვზით ყინულივით ცივი წყალი, სანამ ცომი პრიალა არ გახსება. გააკეთეთ გუნდა და გაყავით 2 თანაბარ ნაწილად.
   
   
3. თითოეული ნაწილი გაახვიეთ ცელოფანში და მოათავსეთ მაცივარში 30 წუთით.
   
   
4. გარეცხეთ ალუბალი, ამოაცალეთ კურკები და აურიეთ შაქარი და სახამებელი.
   
   
5. პატარა სწორკუთხა ღრმა ფორმას წაუსვით ზეთი. ცომის ერთი ნაწილი გააბრტყელეთ ფქვილმოყრილ ზედაპირზე 4 მმ სისქის ფირფიტად. გადაიტანეთ ფორმაში ისე, რომ ცომის კიდეები ოდნავ გადმოვიდეს. გადაფარეთ ცელოფანი და მოათავსეთ მაცივარში 10 წუთით.
   
   
6. შემდეგ გაანაწილეთ ცომზე ალუბალი. ზემოდან კი დანაბრად დაალაგეთ კარაქის ნაჭრები.
   
   
7. გააბრტყელეთ ცომის მეორე გუნდა. დანით დაჭერით 2,4 სმ სისქის ლენტებად და დაალაგეთ ღვეზელზე ჯვრისებურად. ზედმეტი ცომი მოჭერით. ფრთხილად შეუკეცეთ კიდეები.
   
8. გაახურეთ ღუმელი 190 გრადუსზე. რძეში გახსენით შაქარი და წაუსვით მიღებული მასა ღვეზელს. მოათავსეთ ღუმელში 20 წუთით. შემდეგ გადააფარეთ ფოლგა და აცხვეთ კიდევ 25 წუთი.
   

გემრიელად მიირთვით!