შემწვარი სულუგუნი კვერცხით - უგემრიელესი საუზმე
fpaparazzi ნოყიერი და ძალიან გემრიელი საუზმის რეცეპტს გთავაზობთ.
საჭირო მასალა:
მომზადების წესი:
გემრიელად მიირთვით
საჭირო მასალა:
- 4 სქელი ნაჭერი სულუგუნი
- 1 მოზრდილი, მწიფე პომიდორი
- 2-4 კვერცხი
- ფქვილი
- ერბო ან კარაქი
- რამდენიმე ღერი მწვანილი (ქინძი, ტარხუნა, რეჰანი)
- მარილი და პილპილი
- პური ბუტერბროდისთვის
მომზადების წესი:
- სულგუნის ნაჭრები იმხელა უნდა იყოს, რომ თავისუფლად მოთავსდეს სქელძირიან ტაფაზე.
- შეამშრალეთ ყველი ქაღალდის ხელსახოცით, ამოავლეთ ფქვილში.
- დაჭერით პომიდორი თხელ წრეებად და მოაყარეთ მარილი და პილპილი. შეგიძლიათ მოაპკუროთ ზეითუნის ზეთი.
- კვერცხი ათვიფეთ ცალკე ჯამში, და უმატეთ ცოტაოდენი მარილი და პილპილი. დაჭერით წმინდად მწვანილის ფოთლები, ღერები მოაცილეთ.
- გაახურეთ ტაფა, გაადნეთ კარაქი ან ერბო. დაფერთხეთ სულუგუნის ნაჭრები, რათა მოშორდეს ზედმეტი ფქვილი და ერთდროულად დაალაგეთ ტაფაზე. ცეცხლი უნდა იყოს მაქსიმალური.
- დაახლოებით 1,5-2 წუთში სულუგუნი გაიკეთებს დაბრაწულ ფუფხს, საიდანაც სულუგუნი გამოჟონავს. გადმოაბრუნეთ ბრტყელი ნიჩბით სულუგუნი და მაშნვე დაადეთ ზემოდან პომიდვრის ნაჭერი.
- 2 წუთში ჩაასხით ტაფაში კვერცხი და 1 წუთში მოაყარეთ მწვანილი.
- დააფარეთ თავსახური, დაუკელით ცეცხლს და შეწვით ბოლომდე.
- სუფტასთან მიიტანეთ რბილი პურის ნაჭრებით ან ტოსტებით.
გემრიელად მიირთვით