მეგრული საცივი

ერთ-ერთი ყველაზე გავრცელებული კერძი დასავლეთ საქართველოში - საცივია. ეს სადღესასწაულო კერძი ძირითადად საახალწლოდ, ინდაურისგან მზადდება. თუმცა ხშირად მას ქათამისგანაც აკეთებენ fpaparazzi სწორედ ქათმისგან მომზადებული საცივის რეცეპტს გთავაზობთ.

საჭირო მასალა:

• 1 ცხიმიანი ქათამი 2 კგ-მდე
  
• 500-800 გ ნიგოზი
  
• 1 კგ ხახვი
  
• 4-8 კბილი ნიორი
  
• დიდი კონა ქინძი
  
• 1 ს/კ თეთრი ღვინის ძმარი
  
• 1 ს/კ დაფქული ზაფრანა
  
• 1 ს/კ დაფქული ხმელი ქინძი
  
• 1 ს/კ დაფქული წიწაკა
  
• დაქრული დარიჩინი დანის წვერით
  
• 2-6 ცალი მიხაკი
  
• მარილი
  
• კარაქი
  

მომზადების წესი:

1. მოათავსეთ ქათამი დიდ ქვაბში, დაასხით ცივი წყალი იმდენი, რომ ფრინველი დაიფაროს 3-4 სმ-ით. მიიყვანეთ ადუღებამდე და ხარშეთ ძიერ ცეცხლზე 1,5 საათი. თან პერიოდულად მოხადეთ ქაფი.
   
2. შეეცადეთ, არ გადახარშოთ. მოხარშული ქათამი ამოიღეთ ბულიონიდან და გააცივეთ. ბულიონიც გააცვიეთ და მოათავსეთ მაცივარში, რათა ზედაპირზე მოდებული ცხიმი გამაგრდეს.
   
3. გაცივებულ ქათამს წაუსვით კარაქი და მოათავსეთ 190 გრადუსზე გახურებულ ღუმელში. დაბრაწეთ 30 წუთის განმავლობაში. არ დაგავიწყდეთ წყლიანი ჯამის მოთავსებაც ღმელში, რათა ხორცი წვნიანი დარჩეს.
   
4. შემწვარი ხორცი გამოიღეთ ღუმელიდან და დაჭერით თანაბარ ნაჭრებად.
   
5. დაჭერით ხახვი მაქსიმალურად წმინდად. მოხადეთ ბულიონს ცხიმი და მოხრაკეთ მასში ხახვი დაბალ ცეცხლზე 10 წუთის განმავლობაში.
   
6. ქინძი დააბლენდერეთ ან გაატარეთ ხორცსაკეპ მანქანაში, მიღებული ფაფა გაწურეთ მარლაში.
   
7. გაატარეთ ნიგოზი, დაუმატეთ წიწაკა, ხმელი ქინძი, ზაფრანა და ქინძის წვენი. დანაყეთ მიხაკი მარილთან ერთად და შეურიეთ ნიგვზის მასას ისიც და დარიჩინიც.
   
8. გახსენით ნიგოზი ნახევარ ბულიონში. დაჭყლიტეთ ან დანაყეთ ნიორი მარილთან ერთად ერთგვაროვანი მასის მიღებამდე და დაუმატეთ ნიგვზიან მასას.
   
9. დადგით ქვაბი 6-8 ჭიქა გაწურული ბულიონით საშუალო ცეცხლზე. როცა ბუ ლიონი ადუღდება, დაუკელით ცეცხლს და პატარ-პატარა ულუფებით დაუმატეთ ნიგვზიანი მასა, თან შეუჩერებლად ურიეთ.
   
10. ადუღეთ ნიგვზიანი ბულიონი 203 წუთ. შემდეგ დაუმატეთ მოხრაკული ხახვი და კვლავ მიიყვანეთ ადუღემადე.
    
11. შემდეგ დაუმატეთ დაჭრილი ხორცი, მიიყვანეთ ისევ ადუღებამდე, ჩაასხით ძმარი და ჩააგდეთ დაფნის ფოთოლი.
    
12. ადუღეთ დაბალ ცეცხლზე 5 წუთი, შემდეგ გამორთეთ და გააჩერეთ თავდახურულ ქვაბში 10 წუთი.
    
13. სუფრასთან მიიტანეთ ცხელი ან გრილი. უხდება ღომი.