მან ფორმაში დაფხვნილი ორცხობილა ჩაყარა, შემდეგ კი გამდნარი შოკოლადი მოასხა. შედეგით აღფრთოვანდებით!

ჩიზქეიქი - დესერტია, რომელიც ძირითადად ნაზი ნაღების ყველითა და სხვადასხვა დანამატებით მზადდება: შოკოლადით, კენკრით, ხილით და სხვა...
დღეს fpaparazzi გთავაზობთ ამ დესერტის მომზადებას ყველაზე იაფი და ხელმისაწვდომი ინგრედიენტებისგან - ხაჭოთი და ბანანით.

საჭირო მასალა:

• კრეკერები 250 გ
  
• რძიანი შოკოლადი 50 გ
  
• აღები 100 გ
  
• ბანანი 350 გ
  
• კაკაო 20 გ
  
• კარაქი 125 გ
  
• შავი შოკოლადი 90 გ
  
• შედედებული რძე 200 გ
  
• ხაჭო 400 გ
  

მომზადების წესი:

1. დაფხვენით კრეკერი ბლენდერში წმინდად. დაასხით გამდნარი კარაქი და აურიეთ ბლენდერითვე.
   
2. გადაიტანეთ მიღებული მასა გამოსაცხობ ფორმაში, ჩატკეპნეთ და ამოუწიეთ კიდეები. მოათავსეთ მაცივარში 40 წუთით.
   
3. წყლის აბაზანაზე გაადნეთ რძიანი და შავი შოკოლადი და დაუმატეთ 50 მლ ნაღები. აურიეთ ერთგვაროვანი მასის მიღებამდე.
   
4. გამოიღეთ მაცივრიდან ბისკვიტი და გაანაწილეთ მასზე თნაბრად შოკოლადის მასა. მოათავსეთ კვლავ მაცივარში 40 წუთით.
   
5. შემდეგ მოასხით ტორტს შედედებული რძე, შემდეგ კი გაანაწილეთ ზემოდან დაჭრილი ბანანი.
   
6. დააბლენდერეთ ხაჭო დარჩენილ ნაღებთან ერთად და გაანაწილეთ ტორტზე ბოლო ფენად. სულ ბოლოს კი მოაყარეთ კაკაო.
   
7. ოათავსეთ მაცივარში 3 საათით.
   

გემრიელად მიირთვით!