როგორ მოავამზადოთ სახლის პირობებში ტორტის მოსართავი მარცეპანი

fpaparazzi გასწავლით, როგორ გააკეთოთ მარტივად ტორტის მოსართავი მარცეპანი.

1. მაშ ასე, შევუდგეთ. 1 კგ წონის ტორტისთვის დაგჭირდებათ 10 გ ჟელატინი და 500 გ შაქრის პუდრა. ჟელატინი დაალბეთ 50 მლ წყალში და დადგით წყლის აბაზანაზე. ურიეთ, სანამ ჟელატინი ბოლომდე არ გაიხსნება.
   
2. დაუმატეთ შაქრის პუდრა და ურიეთ ერთგვაროვანი მასის მიღებამდე.
   
3. თუ მასა ხელებზე გეკრობათ, დაუმატეთ კიდევ ცოტაოდენი პუდრა.
   
4. თუ მასა შეკორკოშელავდა - დაუმატეთ 1 ჩ/კ ლიმონის წვენი. იმისათვის, რომ მარცეპანი არ გამოშრეს, დაუმატეთ 1 ს/კ გამდნარი კარაქი და ურიეთ 10-15 წუთის განმავლობაში. მზა მასტიკა შეგიძლიათ შეღებოთ საკვები საღებავაბით (დაუმატეთ სულ ბოლოს).
   
5. მარცეპანის მომზადება შეგიძლიათ ასევე მარშმელოუს, კარაქისა და შაქრის ნაზავით (100 გ - 20 გ - 250-300 გ პროპორციებით). ამისათვის ზეფირები და კარაქი მოათავსეთ მიკროტალღურ ღუმელში 20 C სიმძლავრეზე, შემდეგ დაუმატეთ ცოტ-ცოტა ულუფებით შაქრის პუდრა და ურიეთ, სანამ პლასტიკურ მასას არ მიიღებთ.
   
6. ზოგიერთი მარცეპანს რძის ფხვნილის (160 გ), იგივე რაოდენობის შაქრის პუდრის, 170 მლ შედედებული რძისა და 1 ჩ/კ ლიმონის წვენისგანაც აკეთებს.
   
7. გამოყენებამდე მარციპანი უნდა გააბრტყელოთ თხლად შაქრის პუდრა მოყრილ ზედაპირზე, შემდეგ კი გადააფაროთ ტორტს. ნარჩენებისგან შეგიძლიათ გამოჭრათ ტორტის მოსართავები.
   
8. დაიმახსოვრეთ! მარციპანი შეგიძლიათ გამოიყენოთ მხოლოდ კარაქის კრემიან, მაცივარში კარგად გაცივებულ ტორტის მოსართავად.
   

მოსართავები მარცეპანისგან

ნაბიჯი 1
სწორად მომზადებული მარცეპანისგან, როგორც პლასტელინისგან, ისე შეგიძლიათ გამოძერწოთ, მაგალითად, ყვავილები. ამისათვის ფორმების მეშვეობით გამოჭერით სხვადასხვა ზომის წრეები (მასტიკა წინასწარ დაფერეთ).

ნაბიჯი 2
შემდეგ აიღეთ კბილის ჩხირი და მის წვერზე შემოახვიეთ მარცეპანის პატარა წრე, რომ მიიღოთ კვირტი. შემდეგ მიაწებეთ „ფურცლები“ (შიდა ფურცლების დიამეტრი გარეთასკენ უნდა გაიზარდოს).

ნაბიჯი 3
იმისათვის, რომ ფურცლები უკეთ შეეწებოს ერთმანეთს, წაუსვით მათ სქელი შაქრის სიროფი.