აი რა დაემართება თქვენს თმასა და თავის კანს, თუ რეგულარულად ამ ზეთს წაისვამთ.

აი რა დაემართება თქვენს თმასა და თავის კანს, თუ რეგულარულად ამ ზეთს წაისვამთ.
იცოდით, რომ ქოქოსის ზეთი ერთ-ერთი ყველაზე სასარგებლო პროდუქტია ჩვენს პლანეტაზე? ის გვიჯანსაღებს კანს, თმასა და ფრჩხილებს, რის გამოც ქოქოსის ზეთი უამრავი ძვირადღირებული კოსმეტიკური კრემის შემადგენლობაში შედის.

განსაკურებით სასარგებლო ეს პროდუქტი ჩვენი თმისთვისაა. დღეს ''Fpaparazzi''-ის რედაქცია დეტალურად მოგითხრობთ ჩვენს თმაზე და თავის კანზე ქოქოსის ზეთის სასარგებლო გავლენის შესახებ.

1. დაზიანებული თმის აღდგენა-რეგენერაცია.

ქოქოსის ზეთი გასაოცარი პროდუქტია, რომელიც ამცირებს ცილის დაკარგვას ჩვენი თმიდან. როდესაც საუბარი თმის მოვლაზე მიდის, ქოქოსის ზეთს ვერცერთი სხვა მინერალური და მცენარეული ზეთი შეედრება. იმისათვის, რომ აღიდგინოთ დაზიანებული თმა, წაისვით ხელის გულებზე მცირეოდენი ქოქოსის ზეთი და გაინაწილეთ ის მთელ თმაზე. ჩაიტარეთ ეს პროცედურა ყოველ დაბანამდე 1 საათით ადრე.

2. თავიდან გვარიდებს თმის ცვენას და გამელოტებას.

თმის ცვენას, როგორც წესი, კანის ანთებითი დაავადებები და სოკოვანი ინფექციები განაპირობებს. ქოქოსის ზეთი მდიდარია ცხიმებით, რომელთაც საოცრად სასარგებლო გავლენა აქვს თავის კანზე და ჩვენს თმაზე. ანთებისა და სოკოს საწინააღმდეგო თვისებების ხარჯზე ქოქოქსის ზეთი ერთ-ერთი ყველაზე ეფექტური პროდუქტია თმის ცვენის წინააღმდეგ საბრძოლველად.

იმისათვის, რომ დაამარცხოთ თმის ცვენა, შეურიეთ ერთმანეთში 3 სუფრის კოვზი ქოქოსის ზეთი და 2 სუფრის კოვზი სალბის ზეთი. მიღებული ნარევი შეათბეთ წყლის აბაზანაზე. მომზადებული თმის ცვენის საწინააღმდეგო საშუალება კარგად წაისვით თავის კანზე, შემოიხვიეთ პირსახოცი და დაიტოვეთ მთელი ღამით. დილით, გაღვიზებისას დაიბანეთ თავი ჩვეულებისამებრ. გაიმეორეთ ეს პროცედურა კვირაში 1-ხელ სასურველი შედეგის მიღებამდე.

3. თმის გაჭაღარავება

პიგმენტები, რომლებიც თმის შეფერვას განაპირობებს, განთავსებულია ფოლიკულებში. დროთა განმავლობაში ფოლიკულების ფუნქციონირება ირღვევა, რასაც მივყავართ ჭაღარების გაჩენამდე. იმისათვის, რომ თავიდან აირიდოთ ეს უსიამოვნო მოვლენა, 15 წუთის განმავლობაში იკეთეთ თავის კანის მასაჟი ქოქოსის ზეთის გამოყენებით. გაიმეორეთ ეს პროცედურა რეგულარულად.

4. ქერტლი

ქერტლი - თავის კანის გავრცელებული ქრონიკული დაავადება, რომელიც გამოწვეულია კანის სიმშრალით, სოკოვანი ინფექციით და ა.შ. ქოქსის ზეთი გასაოცარი პროდუქტია, რომელიც ატენიანებს კანს და ფლობს სოკოს საწინააღმდეგო თვისებებს. იკეთეთ თავის კანის მასაჟი ამ უნივერსალური პროდუქტის გამოყენებით და ხანმოკლე დროში ქერტლი აღარ შეგაწუხებთ.

საოცარ ეფექტს ხანმოკლე დროში მიიღებთ, თუ თქვე ქოქოსის ზეთში თანაბარი რაოდენობით აბუსალათინის ზეთს ჩაამატებთ.

გისურვებთ ყველაფერს საუკეთესოს!