როგორ გავადნოთ ჟელატინი ისე, რომ დესერტები არომატული და გემრიელი გამოვიდეს

როგორ გავადნოთ ჟელატინი ისე, რომ დესერტები არომატული და გემრიელი გამოვიდეს
ჟელატინისგან გამზადებული დესერტები გემრიელი რომ გამოვიდეს, ჟელატინის სწორად გამოყენება უნდა ვიცოდეთ. გთავაზობთ რამდენიმე რჩევას, რომელიც აუცილებლად დაგეხმარებათ და გამოგადგებათ.

1. ჟელატინი ჩაალბეთ აუცილებლად ცივ წყალში და დატოვეთ 50 წუთის განმავლობაში. თუკი შეფუთვაზე მითითებულია, რომ ჟელატინი სწრაფი მოხმარებისაა, მაშინ მის გასადნობად 25 წუთიც საკმარისია. ამის შემდეგ ჟელატინიანი ჯამი მოათავსეთ ორთქლის აბაზანაზე და დატოვეთ 7-10 წუთი.

2. 20 გ ჟელატინს უნდა დაასხათ 1 ლიტრი წყალი თუკი ჟელატინის გამოყენებას რძიანი დესერტებისთვის აპირებთ. სხვა შემთხვევაში 50 გ ჟელატინს დაასხით 1 ლიტრი წყალი.

3. ჟელატინი არავითრ შემთხვევაში არ აადუღოთ. ასე იგი გემოს და თვისებებს კარგავს.

4. აუცილებლად შეამოწმეთ ჟელატინის შენახვის ვადა. წინააღმდეგ შემთხვევაში იგი სათანადოდ არ აფუვდება და დესერტიც უგემური გამოგივათ.

5. თუ ჟელატინის მასა საკმარისად თანაბარი ან გამჭვირვალე არ არის, იგი საწურში გაატარეთ.