სახის არომატული ნიღბის ორმაგი ეფექტი: გაახალგაზრდავდით და მიიღეთ დადებითი ემოციები


სალონური გამაახალგაზრდავებელი ნიღბები ბაზირდება არამხოლოდ ისეთ კომპონენტებზე, რომლებიც ხელს უწყობს კანის რეგენერაციას და უჯრედების აღდგენას, არამედ, ინგრედიენტებზეც, რომლებიც ატონიზირებს და დადებითი ემოციების მომგვრელია. სწორედ ამ პრინციპით იქნა შერჩეული შინაურ პირობებში დამზადებული ნაოჭების საწინააღმდეგო ნიღბის რეცეპტი მწვანე ჩაით.



შინაური გაახალგაზრდავების კურსი 6-8 კვირიანია. თუ ინგრედიენტების ხელმისაწვდომობასა და სასიამოვნო შეგრძნებას გავითვალისწინებთ პროცედურის დროსა და მის შემდეგაც, ეს პერიოდი არც თუ ისე ხალგრძლივად მოგეჩვენებათ.

ნაოჭების საწინააღმდეგო ნიღაბი


ამ ნიღბის ეფექტი უკვე რამდენიმე დღეში გახდება შესამჩნევი: კანი იჭიმება, პატარა ნაოჭები ქრება. პირველი გამოყენების წინ დარწმუნდით, რომ არ გაქვთ ალერგია რომელიმე კომპონენტზე.

ინგრედიენტები

  • 1 ს.კ. ყავის საფქვავში დაფქული მწვანე ჩაი
  • 0,5 ს.კ. კაკაოს ფხვნილი
  • 1 ჩ.კ. თაფლი
  • ცხელი წყალი




მომზადება

1. შეურიეთ მწვანე ჩაი და კაკაო, დაასხით წყალი ერთგვარი სქელი მასის მიღებამდე.

2. გაცივების შემდეგ დაამატეთ თაფლი.

3. წაისვით ნიღაბი სუფთა, ოდნავ ტენიან კანზე და გაიჩერეთ 20 წუთით, შემდეგ დაიბანეთ თბილი წყლით. ბოლოს წაისვით დამატენიანებელი საცხი.



პირველი 6-8 კვირის განმავლობაში ჩაიტარეთ პროცედურა ყოველ მესამე დღეს, შემდეგ, ეფექტის შესანარჩუნებლად - კვირაში ერთხელ.

გამაახალგაზრდავებელ ნიღაბს შეგიძლიათ დაამატოთ თითო წვეთი, ნებისმიერი ეთერზეთი, ნატურალური იოგურტი, ლიმონის წვენი ან Е ვიტამინის ხსნარი.