რას უმზადებს ცეცხლოვანი მამალი თითოეულ ზოდიაქოს ნიშანს 2017 წელს?


რას გვიქადის ახალი წელი, რა ცვლილებებს უნდა ველოდოთ და რომელ ცხოვრებისეულ ასპექტზე ღირს ყურადღების გამახვილება? იხილეთ ჩვენს დღევანდელ მიმოხილვაში.

ვერძი

გასულ წელს ვერძებს უამრავი გამოცდა დაატყდა თავს. ბევრი რამ ისწავლეთ და ცხოვრებისეულ ფასეულობებს გადახედეთ. 2017 წელი უამრავ შესაძლებლობას გთავაზობთ. თქვენი მფარველი პლანეტა მარსი დაგიცავთ ნეგატივისგან. თუმცა, წარმატების მისაღწევად როგორც კარიერაში, ასევე პირად ცხოვრებაში, დიდი ძალისხმევა დაგჭირდებათ. მაგრამ ნუ დაღონდებით, ხომ იცით, შთაგონება ყველაზე კრიტიკულ მომენტში გეწვევათ ხოლმე.

კურო

ამ წელს იღბალი გაგიღიმებთ, იგი თქვენი მეგზური გახდება როგორც სამსახურში, ასევე პირად ცხოვრებაშიც. ნებისმიერ სიტუაციაში თავს გამარჯვებულად იგრძნობთ, თქვენი ძალისხმევა კი ცეცხლოვან მამალს მონუსხავს.

ტყუპები

პირველივე დღეებიდან ენერგიის მოზღვავებას იგრძნობთ. ამ წელს უამრავი ახალი ნაცნობობა გელით, თუმცა, წარმატების მისაღწევად ბევრი მუშაობა მოგიწევთ. გარდა ამისა, ძალიანაც ნუ მიენდობით ინტუიციას, კარგად აწონ-დაწონეთ თითოეული ქმედება და შემდეგ მიიღეთ გადაწყვეტილებები.

კირჩხიბი

2017 წელს ბოლოს და ბოლოს შეძლებთ მოდუნებას და სიამოვნების მიღებას. ეს გახლავთ ოქროს პერიოდი, როცა თქვენი პრობლემები თავისთავად გადაწყდება, ამიტომ ნუ დახარჯავთ ნერვებს იმაზე, რაზეც ზემოქმედებას ვერ მოახდენთ. მთავარია, ნუ დააჩქარებთ მოვლენებს და ფილოსოფიურად მიუდექით ცხოვრებას.

ლომი
ძალიან წარმატებული წელი გელით, მთავარია, მოთმინება მოიკრიბოთ და ნუ მისცემთ სიზარმაცეს იმის საშუალებას, რომ გაჯობოთ. სწორედ სიზარმაცე და სხვისი მოსაზრების უგულებელყოფა შეუშლის ხელს თქვენი გეგმების განხორციელებას. გაითვალისწინეთ, რომ ცეცხლოვან მამალს შრომისმოყვარეები უყვარს.

ქალწული

2017 წელს უამრავი სასიამოვნო სიურპრიზი გელით. წლის პირველი ნახევარი ძალიან წარმატებული გამოდგება და ხელმძღვანელობა შეამჩნევს თქვენს ძალისხმევას და დააფასებს სათანადოდ. პირად ცხოვრებაშიც სასიამოვნო მოულოდნელობები გელით. წლის მეორე ნახევარში უმჯობესია ტემპს უკლოთ და საბეედისწერო გადაწყვეტილებებს ერიდოთ.

სასწორი


თქვენ ნამდვილად გეხერხებათ ცხოვრებით ტკბობა და დასვენება. ეს წელიც გამონაკლისი არ იქნება. უამრავი გართობა გელით. მაგრამ არ ღირს, მთელი დრო სასიამოვნო დორის ტარებას დაუთმოთ. ცეცხლოვანი მამლის წელი უამრავ შემოქმედებით პოტენციალს გთავაზობთ . გამოიყენეთ ეს და განავითარეთ თქვენი შესაძლებლობა და ნიჭი.

მორიელი

2016 წელს უამრავ სირთულესთან მოგიწიათ გამკლავება. კარგი ამბები გვაქვს თქვენთვის: 2017 წელი წარმატების მომტანი გახდება. თან ისეთი რაოდენობით, რომ შეიძლება მოიწყინოთ კიდეც. მაგრამ ნუ მოდუნდებით, მიაქციეთ ყურადღება თქვენს ურთიერთობებს სხვებთან. მიენდეთ ინტუიციას, რათა გაიგოთ, ვის უნდა ენდოთ და ვის უნდა ერიდოთ.

მშვილდოსანი

ამ წელს გეძლევათ შანსი გაიზარდოთ როგორც პიროვნულად, ასევე პროფესიონალურ სფეროშიც. თუმცა, ცეცხლოვანი მამლის სიმპათია რომ მოიპოვოთ, მოთმინება უნდა მოიკრიბოთ და თანმიმდევრობა დაიცვათ. მიაყურადეთ თქვენს შინაგან სამყაროს, სწორედ შინაგანი ჰარმონია განაპირობებს თქვენს წარმატებას ყველა ასპექტში.

თხის რქა

ამ წელს დიდი ცვლილებები გელით. ვარსკვლავები კარიერულ ზრდას გიქადიან, რაც სპონტანურად არ მოხდება. უნდა ისწავლოთ ინფორმაციის სწორად გამოყენება: სასარგებლო ნაცნობობა და კოლეგებთან კარგი ურთიერთობების დამყარება არ გავნებთ.

მერწყული

ეს წელი კარგია შემოქმედებითი წამოწყებებისთვის. თუმცა ეცადეთ, არ ჩაიკეტოთ საკუთარ თავში. დასახული მიზნების მისაღწევად, თქვენი საქმიანი გამოცდილება და ადამიანებთან კონტაქტის დამყარების თვისებები გამოიყენეთ.

თევზები

პარადოქსალურად ჟღერს, მაგრამ 2017 წელს თევზებს მართებთ ისწავლონ დინების მიყოლა, მიიღეთ ის ფაქტი, რომ ყველაფერი ისე ვერ იქნება, როგორც თქვენ გსურთ. თუ შეიგნებთ, რომ ყველაფერზე ნერვიულობა არ ღირს, დაინახავთ, რომ ცხოვრებას საკუთარი გეგმები აქვს, რომლებიც შესაძლოა თქვენს გეგმებსაც სჯობდეს.