ზოდიაქოს რომელ ნიშნებს ელის დიდი სიყვარული 2017 წელს?

ზოდიაქოს რომელ ნიშნებს ელის დიდი სიყვარული 2017 წელს?
2017 წლის სიმბოლო - ცეცხლოვანი მამალი საინტერესო წელიწადს გვიქადის. ეცადეთ მაქსიმალური სიამოვნება მიიღოთ ყველაფრისგან, რასაც აკეთებთ და ბედნიერებაც გეწვევათ! სიყვარულში წარმატება, სამწუხაროდ, ყველას არ ერგება, მაგრამ ნუ დაღონდებით - ირწმუნეთ საკუთარი შესაძლებლობები და ყველაფერი მოვა! ჩვენს დღევანდელ სტატიაში შეიტყობთ იმ ბედნიერი ტოპ-5 ნიშნების ვინაობას, რომლებსაც 2017 წელს სიყვარულში გაუმართლებს.

კურო

2017 წლის პირველი ნახევარი კუროებისთვის სასიყვარულო ფრონტზე ახალი, შესანიშნავი ემოციების მომტანი იქნება. კუროები ამ მომენტს გამოიყენებენ და რომანს გააბამენ, რაც შემდეგ რაღაც სერიოზულში გადაიზრდება. დაქორწინებულ კუროებს კი ოჯახურ ურთიერთობებში ახალი სუნთქვა გაეხსნებათ.

ლომი


ლომებს უამრავი ცდუნება და შესაძლებლობა დაატყდებათ თავს. მისი სიყვარულის პრეტენდენტების რაოდენობა თავბრუს დაახხვევს ლომს. არჩევანი ძალიან რთული იქნება, მაგრამ მაინც მოუწევს. შემოდგომისკენ სასიყვარულო ფრონტი ცოტათი ჩაცხრება და სიმშვიდე დაისადგურებს. ლომებს მართებთ, გაერკვიონ საკუთარ თავში და მიიღონ გადაწყვეტილება, რომელიც გულით იქნება ნაკარნახები.

მორიელი

მთელი წლის განმავლობაში მორიელებს სიყვარულის დეფიციტი არ შეაწუხებთ. ვარსკვლავები მათ წარმოუდგენელ შარმს აჩუქებენ, რომელთანაც გამკლავება შეუძლებელია. 2017 წელს მორიელების სასიყვარულო პოტენციალი პიკს მიაღწევს. არასერიოზულმა ურთიერთობებმა თავგზა რომ არ აუბნიოს, მორიელსა და მის პარტნიორს მართებთ ურთიერთობაში რაიმე სიახლის შეტანა.

მშვილდოსანი

მშვილდოსნებისთვის ეს წელი სიყვარულის ეგიდით წარიმართება. ცოტათი თავქარიანი მშვილდოსანი ამ წელს ღრმა გრძნობებითა და სტაბილურობით გამოირჩევა. მარტოხელა მშვილდოსნები აუცილებლად იპოვიან თავიანთ მეორე ნახევარს, ურთიერთობაში მყოფები კი გაამყარებენ. მათ უბრალოდ მართებთ ცოტათი მეტი ყურადღების გამოჩენა და ყოყმანის მოცილება, სხვაგვარად მათ რჩეულს ვინმე ცხვირწინ ააწაპნის.

მერწყული

თუ 2017 წლის დასაწყისში მერწყულმა არჩევანი ჯერ კიდევ ვერ გააკეთა, წლის შუა თვეებში აუცილებლად გაერკვევა და ყველაფერი გამოუვა. უამრავი პრეტენდენტი თავბრუს დაახვევს მერწყულს, რომელიც ჯერ კიდევ არ არის მზად სერიოზული ურთიერთობებისთვის. თუ იგი ნამდვილ სიყვარულს იპოვის, სრულად გადაეშვება თავით და ეს ურთიერთობა ხანგრძლივი და ბედნიერი იქნება. ვისაც მეორე ნახევარი უკვე ნაპოვნი ჰყავს, ურთიერთობა სხვა დონეზე გადავა, შესაძლებელია ქორწინება და საცხოვრებელის შეძენა.