საახალწლო ქათმის სალათა!
fpaparazzi გთავაზობთ სალათის რეცეპტს, რომელიც აუცილებლად დაიკავებს საპატიო ადგილს თქვენს სადღესასწაულო სუფრაზე.
საჭირო მასალა:
მომზადების წესი:
გემრიელად მიირთვით!
საჭირო მასალა:
- ქათმის ფილე 300 გ
- მაგარი სახეობის ყველი 150 გ
- კვერცხი 4 ცალი
- სტაფილო 1 ცალი
- კივი 1 ცალი
- სიმინდის კონსერვი 100 გ
- მაიონეზი 3 ს/კ
- მარილი და პილპილი გემოვნებით
მომზადების წესი:
- მოამზადეთ ყველა საჭირო ინგრედიენტი: სტაფილო და ქათმის ხორცი მოხარშეთ, კვერცხი მოხარშეთ მაგრად.
- ყველი და სტაფილო გახეხეთ წვრილ სახეხზე.
- წვრილად გახეხეთ კვერცხიც.
- ქათმის ფილე დაჭერით კუბიკებად ან დაძენძეთ, როგორც მოისურვებთ.
- დაალაგეთ სალათა ფენებად. აიღეთ გაშლილი თეფში, შუაში მოათავსეთ პატარა ლანგარი და მის ირგვლივ გაანაწილეთ ჯერ კვერცხი, წაუსვით მაიონეზი.
- ზემოდან გაანაწილეთ ქათმის ხორცი და ასევე წაუსვით მაიონეზი (მარილი და პილპილი თქვენი გემოვნებით).
- შემდეგი ფენა - სტაფილო.
- შემდეგ გახეხილი ყველი და ისევ მაიონეზი.
- სალათა მორთეთ კივის თხელი ნაჭრებით და სიმინდის მარცვლებით.
- მიიღებთ ძალიან ლამაზ და სადღესასწაულო სალათას.
გემრიელად მიირთვით!