ქათმის რულეტი სოკოს გულსართით

fpaparazzi გთავაზობთ რულეტის რეცეპტს, რომელიც შეგიძლიათ სხვადასხვა გულსართით მოამზადოთ, მაგრამ ამჯერად ჩვენ სოკოს გთავაზობთ.
საჭირო მასალა:

• ქათმის ფილე 4
  
• სოკო 200 გ
  
• ყველი 100 გ
  
• კვერცხი 2
  
• საფანელი
  
• მარილი და პილპილი
  
• ოხრახუში და კამა
  
• კარაქი
  

მომზადება:

1. ქათმის ფილე სიბრტყეზე ჩავჭრათ, ისე რომ ერთი კიდე გაუჭრელი დარჩეს. კარგად დავბეგვოთ, მოვაყაროთ მარილი და პილპილი.
   
2. სოკო და მწვანილი დავჭრათ წვრილად, ყველი გავხეხოთ. ქათმის დაბეგვილ ნაჭრებზე მოვათავსოთ გულსართი, შუაში ჩავაყოლოთ კარაქის პატარა ნაჭერი და გადავახვიოთ.
   
3. რულეტები ამოვავლოთ ათქვეფილ კვერცხში, შემდეგ საფანელში და შევწვათ ზეთიან ტაფაზე ყველა მხრიდან, დაბალ ცეცხლზე.
   
4. რულეტის ნაჭრები შეგვიძლია მივირთვათ პიურესთან, სალათთან ან როგორც ცივი საუზმეული.
   

მიირთვით გემრიელად.