ვაშლის ფაფუკი ნამცხვარი მოხარშული კრემით

ვაშლის ფაფუკი ნამცხვარი მოხარშული კრემით
ვაშლის ღვეზელი - ყოველთვის შესანიშნავი იდეაა, როცა გემრიელი დესერტი გინდა. დღეს fpaparazzi-მა გადაწყვიტა, განსხვავებული და უგემრიელესი ნამცხვრის რეცეპტი შემოგთავაზოთ. სცადეთ...
საჭირო მასალა:
ცომი:
  • კვერცხი 1
  • არაჟანი 2 ს/კ
  • კარაქი 180 გ
  • შაქარი 150 გ
  • გამაფხვიერებელი 0,5 ჩ/კ
  • მწიკვი მარილი
  • ფქვილი 360 გ

კრემი:
  • 350 მლ რძე
  • 1 კვერცხი
  • სახამებელი 2 ს/კ
  • შაქარი 4 ს/კ
  • ვანილინი 1/3 ჩ/კ
  • 2 ვაშლი
  • შაქრის პუდრა მოსაყრელად

მომზადების წესი:
  1. ღრმა ჯამში გაცერით ფქვილი, დაუმატეთ მარილი და გამაფხვიერებელი.
  2. ცივი კარაქი (და არა გაყინული) დაჭერით კუბიკებად და ხელით ასრისეთ.
  3. დაუმატეთ კვერცხი, შაქარი, არაჟანი და მოზილეთ ცომი.
  4. უნდა მიიღოთ რბილი ცომი.
  5. დააგუნდავეთ და მოათავსეთ მაცივარში, სანამ გულსართს მოამზადებდეთ.
  6. მოხარშული კრემისთვის ჯამში ხელის ზამბარით ათქვიფეთ კვერცხი, შაქარი, ვანილინი და სახამებელი.
  7. ჩაასხით ცივი რძე, აურიეთ და დადგით საშუალო ცეცხლზე.
  8. ისე, რომ არ შეწყვიტოთ მორევა, მიიყვანეთ კრემი ადუღებამდე და გამორთეთ.
  9. ცომი გაყავით 2 არათანაბარ ნაწილად (1/3 და 2/3).
  10. დიდი ნაწილი გააბრტყელეთ და გადაიტანეთ 20 სმ დიამეტრის დასაშლელ ფორმაში. ამოუწიეთ კიდეები.
  11. ვაშლი გაფცქვენით და დაჭერით.
  12. დაალაგეთ ცომზე.
  13. სურვილისამებრ, შეგიძლიათ მოაყაროთ დარიჩინი.
  14. მოასხით ცხელი კრემი.
  15. ცომის მეორე ნაწილი გააბრტყელეთ თხლად და დაჭეით მსხვილ ზოლებად.
  16. გააკეთეთ ცომის ლენტებით ბადე.
  17. შედგით ღვეზელი 180 გრადუსზე გახურებულ ღუმელში და აცხვეთ 40-45 წუთი.
  18. ზედაპირი და გვერდები უნდა მოიბრაწოს.
  19. გააცივეთ და მოაყარეთ შაქრის პუდრა.

გემრიელად მიირთვით!