ნამდვილი აღმოსავლური ფლავის რეცეპტი
fpaparazzi წინასწარ გაფრთხილებთ, რომ ფლავის კეთება ერთგვარი რიტუალია, რომელსაც მთელი რუდუნებით უნდა მიუდგეთ.
ინგრედიენტები:
მომზადება:
გემრიელად მიირთვით!
ინგრედიენტები:
- ცხვრის ხორცი 1 კგ
- გრძელი ბრინჯი 500 გ
- ხახვი 5-6 ცალი.
- ზეთი 200 მლ (ან ცხვრის დუმის ცხიმი – 200 გ)
- ნიორი 2 თავი
- მოზრდილი სტაფილო 4 ცალი
- წითელი წიწაკა 2 ცალი
- ძირა 1 ს.კ.
- მარილი და პილპილი გემოვნებით
- კოწახური ხმელი 1 ს.კ.
- შავი ქლიავის ჩირი კურკით 8-10 ცალი.
- მუქი ქიშმიში 150 გ
მომზადება:
- ქვაბში ჩაასხით ზეთი და გაახურეთ.
- თუკი ცხვრის ქონს იყენებთ, გაადნეთ და ამოიღეთ ქვაბიდან ნარჩენები.
- ცხიმში ჩააგდეთ ერთი საშუალო ზომის ხახვი და გააჩერეთ იქამდე, სანამ არ გამუქდება. შემდეგ ამოიღეთ.
- დაჭერით დანარჩენი ხახვი ალყა-ალყა, სტაფილო დაახლოებით 2-3 სმ-ის ჩხირებად.
- ჩაყარეთ გახურებულ ზეთში ხახვი და ხრაკეთ ოქროსფერის მიღებამდე.
- შემდეგ ჩაყარეთ სტაფილო და ხრაკეთ სანამ არ დარბილდება.
- ცეცხლს დაუკელით და ინტენსიურად ურიეთ, რათა თანაბრად მოიხრაკოს.
- როგორც კი სტაფილო და ხახვი მზად იქნება, გადაიღეთ ცალკე ჭურჭელში. მოუმატეთ ცეცხლს და კვლავ გაახურეთ ცხიმი.
- ხელში მოსრისეთ ძირა და ჩაყარეთ ქვაბში, შემდეგ ჩაყარეთ კუბიკებად დაჭრილი ხორცი და მოურიეთ.
- ცხვრის ხორცმა უცებ უნდა მიიღოს ყავისფერი.
- მნიშვნელოვანია, რომ ცხიმი გახურებული იყოს, თორემ ხორცი გამოშრება.
- ხორცს დაუმატეთ მოხრაკული ბოსტნეული, მოურიეთ და ერთად შუშეთ 3 წუთის განმავლობაში.
- შემდეგ დაუმატეთ ადუღებული წყალი, იმდენი, რომ დაფაროს ხორცი დაახლოებით 3 სმ-ის სიმაღლეზე.
- დაუმატეთ წითელი წიწაკა, ნიორის გაფცქვნილი კბილები დაუჭრელად, კოწახური, შავი ქლიავი, მარილი და პილპილი.
- ამ მასას "ზირვაკი" ქვია. მიიყვანეთ ზირვაკი ადუღებამდე და დაუკელით ცეცხლს, ხარშეთ 40 წუთი.
- სანამ ზირვაკი მზადდება, გარეცხეთ ბრინჯი კარგად, სანამ გამჭვირვალე არ გახდება.
- გაუსინჯეთ ზირვაკს გემო, მარილი არ უნდა აკლდეს.
- ოდნავ ზედმეტიც რომ მოგივიდეთ, არ ინერვიულოთ, ბრინჯი შეიწოვს ზედმეტ მარილს.
- მზა ზირვაკიდან ამოიღეთ წიწაკა, ჩაყარეთ ბრინჯი და მოასწორეთ. ბრინჯმა ზირვაკი უნდა დაფაროს 2 სმ-ით.
- მიიყვანეთ მასა ადუღებამდე.
- იმისათვის, რომ ბრინჯი თანაბრად მოიხარშოს, აუცილებელია, ფრთხილად გადმოაბრუნოთ მხოლოდ ბრინჯი, ისე, რომ ხორცს არ შეეხოთ.
- ქვაბის შიგთავსში ხის კოვზით გააკეთეთ ვერტიკალური ხვრელი, რომ ხორცი არ დაიწვას.
- დაინიშნეთ 20 წუთი. ეს დრო დაჭირდება ბრინჯს, რათა შეიწოვოს დარჩენილი სითხე და ბოლომდე მოიხარშოს.
- მოაყარეთ ბრინჯს ქიშმიში და გამორთეთ ცეცხლი.
- გააჩერეთ ფლოვი დახურულ ქვაბში 20-30 წუთი, რათა ყველაფერი ერთმანეთს გაუჯდეს.
- გადმოიღეთ ფლოვი გაშლილ თეფშზე, მორთეთ ნივრით და წიწაკით.
გემრიელად მიირთვით!