მსოფლიოში ყველაზე მარტივი გარგრის ნამცხვარი - საუკეთესო საზაფხულო დესერტი!

მსოფლიოში ყველაზე მარტივი გარგრის ნამცხვარი - საუკეთესო საზაფხულო დესერტი!
Fpaparazzi გთავაზობთ მსოფლიოში ყველაზე პოპულარული ფრანგული დესერტის, ქლაფუტის ერთ-ერთ ვარიანტს - გარგრით... თუკი, ეძებთ, იდეალურ საზაფხულო დესერტს, ჩათვალეთ, რომ ეს ის არის. ის ლამაზია, წვნიანი და უგემრიელესი. რაც მთავრია, მარტივად მზადდება!
საჭირო მასალა:
  • კვერცხი 3 ცალი
  • შაქარი 80 გ
  • ფქვილი 75 გ
  • კარაქი 50 გ
  • რძე 250 მლ
  • ლიმონის ცედრა 0,5 ჩ/კ
  • გარგარი 7 ცალი

მომზადება:
  1. წაუსვით გამოსაცხობ ფორმას კარაქი.
  2. გამოაცალეთ კურკა გარგარს და გახლიჩეთ შუაზე.
  3. დაალაგეთ გარგრის ნახევრები ფორმაზე.
  4. ათქვიფეთ მიქსერით კვერცხი და შაქარი.
  5. გაცერით ფქვილი და დაუმატეთ კვერცხისა და შაქრის მასას.
  6. დაუმატეთ გამდნარი და ოდნავ გაგრილებული კარაქი, რძე და ლიმონის ცედრა.
  7. ყველაფერი კარგად ათქვიფეთ საშუალო სიჩქარეზე.
  8. უნდა მიიღოთ ერთგვაროვანი მასა.
  9. დაასხით მიღებული მასა გარგრის ნაჭრებს.
  10. შედგით ფორმა 180 გრადუსზე გახურებულ ღუმელში 40 წუთი.
  11. ნამცხვარი მზად არის, როცა ზემოდან მოიბრაწება.
  12. ქლაფუტი ფორმიდან როცა გაცივდება, მხოლოდ მაშინ გადმოიღეთ.
  13. სურვილისამებრ ნამცხვარს მოაყარეთ შაქრის პუდრა ან დარიჩინი.
  14. მიირთვით ნაყინთან ერთად.