პასტა ფეტუჩინი კრევეტებით

fpaparazzi ითვალისწინებს მკითხველის გემოვნებასა და თხოვნას და გთავაზობთ იტალიური სამზრეულოს კიდევ ერთ უგემრიელესი კერძის მომზადების წესს.
საჭირო მასალა:

• 120 გ ფეტუჩინი
  
• 300 გ უმი, გასუფთავებული კრევეტები
  
• 1 ჩ/კ სოდა
  
• 1 ჩ/კ ახალდაფქული პილპილი
  
• 2 ს/კ ფქვილი
  
• 1 ს/კ ზეითუნის ზეთი
  
• 1 ს/კ კარაქი
  
• 1 ¼ ჭიქა ქათმის ბულიონი
  
• ½ ჭიქა ათქვეფილი ნაღები
  
• სუნელები გემოვნებით
  

მომზადების წესი:

1. მოამზადეთ პასტა შეფუთვაზე მოცემული ინსტრუქციის მიხედვით.
   
2. მოაყარეთ კრევეტებს მარილი და პილპილი და აურიეთ.
   
3. დაუმატეთ 1 ს/კ ფქვილი და ამოავლეთ კრევეტები.
   
4. შემდეგ დაუმატეთ კიდევ 1 ს/კ ფქვილი და კვლავ ამოურიეთ.
   
5. გაადნეთ კარაქი და ზეითუნის ზეთი ღრმა ტაფაში.
   
6. მოათავსეთ კრევეტები და შეწვით ყველა მხრიდან დაახლოებით 2-3 წუთის განმავლობაში თითო მხარეს.
   
7. ამოიღეთ თეფშზე.
   
8. ტაფაში, სადაც კრევეტები შეწვით, ჩაასხით ქათმის ბულიონი.
   
9. ადუღეთ დაახლოებით 5 წუთის განმავლობაში.
   
10. ბულიონს დაუმატეთ ნაღები და თან თქვიფეთ შეუჩერებლად.
    
11. ხარშეთ სოუსი საშუალო ცეცხლზე, სანამ გასქელებას არ დაიწყებს. დაახლოებით 5 წუთი დაგჭირდებათ.
    
12. გასინჯეთ სოუსი და დაუმატეთ სურვილისამებრ სანელებლები.
    
13. მოასხით სოუსი პასტასა და კრევეტებს და აურიეთ.
    

გემრიელად მიირთვით!