მან ლიმონის წვენი ხნაში შეურია და კანზე წაისვა... შედეგმა ყოველგვარ მოლოდინს გადააჭარბა!

მეჰენდი - კანზე შესრულებული ულამაზესი ნახატები, რომლებიც საკმაოდ ხშირად ახლო აღმოსავლეთის ქალბატონებს ამშვენებთ. ეს ხელოვნება სათავეს უძველესი დროიდან იღებს.



ცნობილია, რომ ძველი ეგვიპტის ქალბატონები მთელ საკუთარ სხეულს ხნისგან მომზადებული პასტით იხატავდნენ, ხოლო ინდოეთში არსებობდა ტრადიცია, რომლის ფარგლებშიც მეჰენდი თითოეული ქორწილის აუცილებელი ატრიბუტი იყო.



როგორც წესი, ხნით სხეულის მოხატვა სრულდება 4 სტილში: არაბული - ფერადი ხაზები, მაროკოული - გეომეტრიული ფიგურები, ინდური - ორნამენტები უამრავი ხაზებითა და წერტილებით, აზიური - ინდური და ახლო აღმოსავლეთის ელემენტების შერწყმა.



მეჰენდის შესასრულებლად საჭიროა სპეციალური ხსნის გამოყენება: ის უფრო წვრილადაა დაფქული, ვიდრე ხნა, რომელიც თმის მოსავლელად გამოიყენება. ინტერნეტ მაღაზიებში თქვენ შეძლებთ უკვე მომზადებული ხნის შეძენას საკუთარ სპეციალურ ფანქართან ერთად.



თქვენ ასევე შეგიძლიათ საკუთარი ხელით ამ საშუალების დამზადება: 100 მლ მდუღარე ჩაიში ჩაამატეთ ნახევარი ლიმონის წვენი, 1 სუფრის კოვზი შაქარი და იმ რაოდენობით ხნის ფხვნილი, რომ მიიღოთ ფაფისებრი მასა. მიღებული საშუალება დააყოვნეთ 15-20 წუთით.



ნახატის შესრულებამდე კარგად დაიბანეთ ხელები საპნის გამოყენებით და წაისვით ზეუთუნის ან ქოქოსის ზეთი. ასე მიღებული ფერი უფრო ნათელი, კაშკაშა და ლამაზი იქნება!



ეს ნატურალური პასტა შრება დაახლოებით 30-60 წუთში. წარმოქმნილი ქერქის ჩამობანა არ არის საჭირო, რადგან ის 3-6 საათში თვითონ მოგშორდებათ. შეღებილი ხელების დაბანა შეიძლება მხოლოდ 8 საათის შემდეგ.

ყოველდღიურად გაიპრიალეთ ნახატი ქოქოსის ზეთით, რათა უფრო დიდი ხნით შეინარჩუნოთ საკუთარ კანზე ხელოვნების ეს ნიმუში.



გასაოცარია, არა? ეს იდეა იმდენად მომეწონა, რომ უახლოს მომავალში ვგეგმავ საკუთარი ხელების მოხატვას!